Բժշկական խճանկար

Ճարպային բջիջները քաղցկեղային ուռուցքների աճ են հրահրում: Ուռուցքաբանները վաղուց են նկատել, որ ավելորդ քաշը վատթարացնում է ուռուցքաբանական հիվանդությունների ընթացքը: Սակայն այս երևույթի մեխանիզմը բժիշկների համար անհասկանալի էր:

Ուռուցքային բջիջներն ամենից լավ բազմանում են նորմալ արյունահոսքի դեպքում, իսկ ուռուցքը սեփական արյան համակարգ հենց ճարպային բջիջներից է ստեղծում: 

Ամբողջական, առանց կճպելու մրգերն ու բանջարեղենն օգտագործելը պաշտպանում է աղիների քաղցկեղից: Հետազոտողները պարզել են, որ դրանց մեջ պարունակվող թելիկներն աղիներին  հակաօքսիդանտներ են մատակարարում, որոնք պաշտպանում են բջջային վնասվածքներից, դրանով իսկ կանխարգելելով քաղցկեղի առաջացումը: Օգտակար միացություննրի 80%-ը գտնվում է, հատկապես, թելիկային մասերում, դրա համար բժիշկները խորհուրդ են տալիս չանտեսել մրգերի և բանջարեղենի կճեպներն ու խմել դրանցից թարմ քամված հյութերը:

Տհաճ մարդկանց հետ շփումն արգելակում է ուղեղի աշխատանքը:  Հարավային Կալիֆոռնիայի համալսարանի գիտնականները պարզել են, որ այդ շփումը դանդաղեցնում է մտքի արագությունն  ու նվազեցնում տեղեկատվության ընկալման ունակությունը: Մեր երևակայության մեջ տհաճ մարդիկ խոսում և շարժվում են շատ դանդաղ, քան իրականության մեջ, այդպես է դրսևորվում նյարդային համակարգի պաշտպանական հակազդումը:

Մոսկվացիներն իրենց բջջային հեռախոսների վրա կստանան օպերտաիվ sms-ծանուցումներ այն մասին, թե ինչպիսի պատվաստումներ են հանձնարարվում նրանց կատարել:  Իշխանությունների նախաձեռնությունը պայմանավորված է այն բանով, որ քաղաքացիների մեծ մասը, նույնիսկ, չգիտի, որ մանկական հասակում արված շատ պատվաստումներ անհրաժեշտ է կրկնել կյանքի ընթացքում:

ԱՀԿ. ամբողջ աշխարհում 350 մլն մարդ տառապում է դեպրեսիայով: Հարցումները, որոնք կատարվել են աշխարհի 17 երկրներում, ցույց են տվել, որ  2011 թ. երկրագնդի յուրաքանչյուր 20-րդ բնակիչը տառապել է հոգեբանական խանգարումներով: Արդյունքում դեպրեսիայով  հրահրված ինքնասպանություններն են, ընդ որում այդ պատճառով ամեն օր աշխարհում զոհվում է մոտ 3000 մարդ:

Հարցեր, պատասխաններ, մեկնաբանություններ